ციცინათელა

ჩემო ციცინათელა!

რად მიფრენ ნელა-ნელა?

შენმა შორით ნათებამ

დამწვა და დამანელა.

ანათებ და კარგი ხარ,

მე თუმც არას მარგიხარ!..

ჩემი იყო,ის მინდა,

შენ კი სხვისი ბარგი ხარ!..

ჩემო ციცინათელა,

საით ფრენ ნელა-ნელა?

მე ვარ შენი ერთგული,

სხვა მოგატყუებს ყველა.

ჩემო ციცინათელა,

სადღა ფრენ ნელა-ნელა?

შენმა შორით ნათებამ

უდროოდ დამანელა. 
ჩემს მესამეკლასელ მოსწავლეებს!
ყველას გთხოვთ,ისწავლოთ ეს ლექსი.